PHAEDRUS: Rana rupta et bos

Inops, potentem dum vult imitari, perit.
In prato quondam rana conspexit bovem
                              et tacta invidiā tantae magnitudinis                              
rugosam inflavit pellem. Tum natōs suōs
interrogavit, an bove esset letior.
Illī negarunt. rursus intendit cutem
maiore nisu et simili quaesivit modo,
quis maior esset. Illī dirxerunt bovem.
Novissime indignata, dum vult validius
inflare sese, rupto iacuit corpore.

                                                                                ( Fab. I. 24. )